Huwag mong naising ikaw ay aking limutin, dahil ngayong wala ka na, ang alaala mo na lang ang tanging bagay na naiwan para aking mahalin. Huwag mo sanang hilingin na pag-ibig ko’y sa iba na lamang ibaling, ‘pagkat puso ko’y ikaw ang napiling ibigin, kabuuan nito’y inilaan ko na sa iyo at ito’y dadalhin mo saan ka man patungo. Kaya’t paano pa ako iibig sa iba kung puso ko’y nasa iyo, at kung mangyaring ikaw muling magbabalik ay bubuuin mong muli ang aking sarili dahil ngayo’y hindi kumpleto ang buhay ko, ngayong ikaw ay malayo at wala sa piling ko.

Kapiling nga kita ngunit hindi ka naman akin.